الموضوع خطر على بالي لما اجيت افتح المضافه…و كان هالموضوع شاغل مخي من زمان..ومره وحده خطر على بالي كيف ممكن اني اكتب عنو…

يا ولد..امسح الغبره غاد..و ناولني الكندره العتيقة بدي اضرب كم صرصور…!
وهات الريموت بدنا نفتح على الجزيره…!

زمان والله عن المضافه…
اوف اوف..شو هاض؟؟ والله زمااان ما اجينا هون…! ولكو شو بتساو هون…؟؟ الله اكبر..هاض انتو هون من حد ما بلشت الاحداث…!! يا سلام..والله انكو سرسريه..كلكم هون متجمعين صلاة النبي…و الضمير وين..تركتو هناك…في الخزنه الكبيره؟؟ عند كراسيكم؟؟

والله انتو بس اجساد…! بدون روح..بدون دم…بدون ضمير…!!
نفسي اعرف شو بدكم؟؟
لشو بدكو توصلو؟؟

يعني…خلينا نفسر الامور اكثر…
بنيجي بنحكي بدكم تكونو انظمه لها المجد والخلود…و تصيرو زي الاساطير الاغريقيه..وينحفر اسمكم بالصخر…! لا انتو ابدا مش طالبين هيك لانكم ببساطه وما عملتو اي عمل بطولي للان يرفع الراس…!

ماشي…بنيجي بنحكي بدكم الاخره و تاركين الدنيه…!
ابدا ابدا…حبكم للدنيه و تشبثكم فيها واضاح…!جدا كمان…و ما اظن انو فيكم الي ممكن يفكر يشوف الجنه…! او حتى حلم من احلامو…!

بدكم شعوب تحبكم و تعزكم و تنصركم؟؟؟ بدكم الاصلاح؟؟ بدكم التغير..بدكم ارتقاء مستوى الامه..وما نضلنا عالم ثالث؟؟بدكم السياده و السيطره و احكام القبضه على البلاد…و الشور من الراس..وما حدى الو عندي…! ابدا..مخترقين مسيسن..موظفين ايضا..!

يعني ما انا مش عارف شو بدكم؟؟ بس بدكم شهوة السلطه..! واكم مليون ما رح تلحق تصرفو منهم ربعهم..لانو العمر قصير…

لانه ايضا ( الله يمهل ولا يهمل)

دورت بعقلي عن اي اشي ممكن للمواطن العادي انو يحبكم واو ينصركم او على الاقل يذكركم بالخير بس للاسف ما لقيت…!

يعني انا مش عارف انتو شو بدكم..واذا في حدا عارف يا اخوان يحكيلي دخيل الله…

لاني بصراحه..قرفت كثير…قرفت منكم…من الخوف..من الظلم…من التوتر…من كتمان كلمة الحق…
من التخاذل..من الهوان…من المياعه في الرد…و دناءة استعمال المناصب…

قرفت منكم و من كل ما يمت لكم بذكر…! قرفت من اي حدا بمسلكم بصله…!

انا عربي..و دمي حامي..وعندي الشرف و العرض و الانسان و الدين و الافكار امور مقدسه…و عندي مبدا..يلي فقدتو اي مبدا…

مبدا ربنا وضعو..يلي مؤمنين بربنا زي ما بتزعمو..!

حرم على الارض ان تشرب الدم…! شوفو الارض لما يسقيها بالمي..بتشربها ..بس لما تسقيها بالدم…! الدم بتجلط ما بشربها…!
و انتو اذا ما سانتدوا…بتكون ايدكم كلها بالعدوان…!

اقلكم…اطلعو برى مضافتي..ما بدي ياكم هون..ويارب…تنعدلوا…! او….تم…….و